Berto

Álvarez

Levo 10 anos no mesmo equipo de fútbol sala

A mesma xente, os mesmos domingos e moitas tempadas aprendendo a confiar uns nos outros. Buscamos como seguir mellorando xuntos como equipo.

Revisión de código como conversa, non como xuízo

Cando hai desacordo sobre a arquitectura dun compoñente, preferimos un café e unha pizarra que un PR con 40 comentarios. O código mellora e a relación tamén.

Os amigos montamos un club de lectura

Un libro, un fin de semana, un debate. Cada dous meses desde hai anos. A excusa é a lectura. O que queda é a conversa e o debate.

Que librería tan molona!

Antes de propor un cambio técnico, entendo o que hai: o código, quen o mantén, o que custa tocalo. A experiencia tamén é saber cando non hai que facer nada.

O directo non perdoa...

Cando algo falla no directo non hai tempo para entrar en pánico. Hai que pensar, decidir e seguir. Esa calma baixo presión é algo que adestramos sen sabelo — e que notamos cada vez que hai sacar un fix en tempo récord.

Falar con quen non programa

Nunha cociña, nunha axencia, nun equipo de produto — sempre houbo alguén que necesitaba entender o que estaba pasando sen coñecer os detalles. Traducir sen simplificar, e a que a outra persoa sinta que a decisión tamén é súa.

Máis alá do frontend puro

Coñecer todas as fases: prototipado, deseño de produto, BBDD, API, frontend. Iso permite tomar decisións sabendo o que custa cada unha no resto do sistema — e falar o idioma de calquera persoa da mesa.

Vivir en Escocia sen rede de seguridade

Mudarse sen traballo, sen coñecer a ninguén, sen falar inglés demasiado ben. Adaptarme non significou diluírme. Foi a primeira vez que tiven que funcionar só de verdade — e saíu ben.

De Audiovisual a Frontend Senior

De traballar coa imaxe quedoume algo que non aparece en ningún curso de programación: que ningún elemento existe só. A harmonía, o contexto, a relación entre as partes. Cando deseño un compoñente, sempre estou pensando no conxunto.

Set 2020 — Actualidade

Desenvolvedor Frontend Senior — Cinfo · A Coruña

Traballo en dúas liñas: consultoría para clientes e desenvolvemento de produto propio. Frontend en React e Next.js con responsabilidade fullstack, xestión de equipos e decisións de produto. O sitio onde converxen todas as etapas anteriores.

Out 2018 — Ago 2020

Deseño Gráfico, Motion & Web — Nasas Social Media · A Coruña

Deseño gráfico, motion graphics e vídeo para contas relevantes a nivel galego. Vía como os nosos deseños os desenvolveu outra empresa — e quixen aprender a facelo eu. Compaxinei este traballo coa miña formación en desenvolvemento fullstack.

Feb 2014 — Set 2018

Deseño Gráfico Freelance — Conta propia · Vigo

Identidade visual, motion graphics e edición de vídeo para clientes e colaboracións regulares como externo. Catro anos aprendendo a xestionar proxectos, clientes e criterio propio.

Set 2011 — Xan 2014

Kitchen Porter → Encargado de Cociña — Wagamama · Edimburgo

De lavar pratos a levar a cociña. Sen rede, nun país novo, nun idioma novo. O que aprendín alí non está en ningún curso.